Visitamos o centro de repartición de Correos en Ponteareas
No módulo de Comunicación de 2° CFGM de Xestión Administrativa, un dos puntos importantes do temario é coñecer a distribución da correspondencia e a paquetería. Para iso, os alumnos están a realizar un traballo de investigación sobre Correos e outras empresas da zona onde viven.
Para axudarlles na súa aprendizaxe, onte visitamos o centro de repartición de Correos, en Ponteareas, onde Montse explicounos ao detalle o funcionamento desta gran empresa.
Moitas gracias a Correos por obsequiarnos cunha camiseta para cada alumno, e a Montse pola súa gran atención!
