DEPOEMPRENDE – DEPUTACIÓN DE PONTEVEDRA

O proxecto “DepoEmprende na FP” diríxese aos centros educativos que imparten Formación Profesional de Grao Medio e Grao Superior. O alumnado deseña e elabora un proxecto empresarial a través do asesoramento do seu profesorado e do equipo de profesionais que se poñen á súa disposición desde a Deputación de Pontevedra.

A finalidade é promover no alumnado a iniciativa emprendedora, tanto no ámbito empresarial como no autoemprego, así como a actitude necesaria para asumir riscos e responsabilidades. A través do proxecto preténdese que o alumnado participe de forma activa na vida económica, social e cultural do seu contorno cunha actitude crítica e responsable.