Visita o Banco de Sangue (ADOS) en Santiago de Compostela
Formación, conciencia e compromiso coa saúde! NOTICIA: O pasado 22 de abril, o alumnado do ciclo de Técnico en Coidados Auxiliares de Enfermería (TCAE) tivo a oportunidade de visitar a Axencia de Doazón de Órganos e Sangue (ADOS) en Santiago de Compostela. Durante a xornada, o grupo puido coñecer de primeira man o funcionamento deste organismo esencial para o sistema sanitario galego. A través de charlas informativas e unha visita guiada, o equipo de ADOS explicou o proceso de doazón de sangue e médula ósea, a súa importancia para salvar vidas e o papel crave que desempeñan os profesionais sanitarios en todo o procedemento. Dende o centro queremos agradecer a ADOS a súa implicación e o trato recibido, así como destacar o valor formativo deste tipo de actividades, que fomentan a conciencia solidaria e reforzan a vocación sanitaria do noso alumnado.
