“Traballando as entrevistas coas familias”
No Módulo Formativo Didáctica da Educación Infantil, o alumnado puido poñer en práctica, a través da técnica de grupos denominada role- playing, as entrevistas que prepararon simulando ser educadores e educadoras infantís, e pais e nais, nunha primeira entrevista inicial, cun neno que tiña dificultades de adaptación.
Para iso tiveron que preparar antes un plan de entrevista, sabendo o propósito da mesma, e un guión para a planificación e condución da conversación. Ao finalizar a práctica, puxéronse en común todas e cada unha das entrevistas, analizándoas e extraendo conclusións sobre a maneira de conducilas, a súa mellora, o rapport, e sobre como se sentiron nelas, entre outras cuestións. Esperamos que esta práctica sirva para o seu próximo futuro profesional.