A EFA A CANCELA VISITA AS TERMAS DE PREXIGUEIRO
📣📣📣O alumnado do CFGM de Coidados Auxiliares de Enfermería e 1º do CFGM de Xestión Administrativa desfrutou dunha fantástica xornada no Balneario de Prexigueiro en Ribadavia‼️
Ao chegar, Ismael, o encargado do balneario, relatounos a fascinante historia do lugar e como as augas termais foron utilizadas durante anos para tratar diversas enfermidades. Explicounos os beneficios terapéuticos destas augas e falounos do equipo de profesionais que traballa incansablemente para manter o balneario en perfecto funcionamento.
Tamén nos informou dos servizos do balneario, incluíndo a atención médica coa presenza dun médico que atende aos pacientes semanalmente, e enumerou os problemas que poden xurdir se non se cumpren as recomendacións indicadas antes de entrar nas termas.
Na nosa visita aprendemos sobre a atención ao cliente e os distintos documentos administrativos que manexa a empresa, comprendendo como se organiza a atención personalizada ao cliente, a programación de citas, a facturación e a administración xeral do balneario. Esta visión integral permitiunos entender mellor como se xestiona un balneario desta magnitude.
Por último, tivemos a oportunidade de visitar as termas públicas próximas ao balneario e gozar dun paseo pola fermosa cidade de Ribadavia. Foi unha experiencia moi educativa e enriquecedora para os nosos alumnos.
Grazas ao Balneario de Prexigueiro por recibirnos e compartir o seu coñecemento connosco
