XYLAZEL COLABORA CON EFA A CANCELA
O mércores 20 de abril, os alumnos da rama administrativa estiveron en Xylazel S.A. empresa dedicada a fabricación e comercialización, de pinturas e barnices, especializada en protectores para a madeira e o metal.
Explicáronnos moi ben, ademais do proceso produtivo, as medidas de prevención de riscos laborais, destacando as de loita contra incendios e as de protección do medio ambente, materias relacionadas co módulo de FOL. Para rematar a visita estivemos no almacén da empresa explicándonos temas do módulo de Xestión Comercial e Loxística
Os alumnos quedaron moi satisfeitos polas explicacións recibidas resultando moi interesantes e amenas, xa que viron a aplicación práctica dos coñecementos teóricos que aprenden no centro.
Para finalizar, queremos agradecer o exquisito trato recibido por parte da empresa que en todo momento, estiveron dispostos a colaborar con nós.