Visita a foresta do Ciclo Superior de Educación Infantil
O pasado luns, o alumnado do Ciclo Superior de Educación Infantil visitou o espazo de aprendizaxe activa na natureza Foresta, situado en Gondomar. Da man de Noa, Olga e Paula, puidemos coñecer o proxecto que se leva a cabo nunha contorna natural, onde os cativos son os auténticos protagonistas da aprendizaxe.
Así, en Foresta, a través dun proxecto propio que se nutre de diversas metodoloxías como son Montessori, Reggio Emilia ou Waldorf, teñen como obxectivo facer dos nenos e nenas seres únicos, autónomos, capaces e respectuosos, escoitándoos sen xulgar, axudándoos a expresar as súas emocións. Manteñen un forte vínculo coas familias, e fan deste espazo unha extensión dos seus propios fogares, onde os máis pequenos crecen e se desenvolven ao seu propio ritmo, sen présas, coa calma e serenidade que nos brinda a propia natureza.
¡Moitísimas grazas por acollernos!
Deixámosvos o enlace ao Facebook e á páxina web:
https://www.facebook.com/espacioforesta/