Segunda Xornada do III Fórum de Emprego da EFA A Cancela
Comezamos a Segunda Xornada do III Fórum de Emprego da EFA A Cancela con Pedro Alfaro, xerente de BTravel, coa sesión como “Iniciar o teu Proxecto”.
“Pertenzo a unha familia de emprendedores e aprendín que hai que ir paso a paso para ir evolucionando e que temos que identificar o erro para cambiar o rumbo”.
“Mira aos ollos ao teu cliente e á túa competencia polo retrovisor”.
Seguimos co POLO de emprendemento de Porriño aprendendo sobre “Recursos para emprendedores”.
“Desde o POLO facemos un acompañamento completo ao emprendedor; titorización, formación e damos ferramentas para o desenvolvemento do proxecto”.
De seguido, Goretti Abalde Alonso, Educadora Social e Eva Caparroz Novoa, Psicóloga, de Avelaíña, destacaron a importancia do “Coidado do benestar mental no ámbito laboral”.
“A saúde mental é o benestar emocional, psicólogo e social, segundo a OMS.
No noso día a día estamos rodeados de moitos factores que poden afectar o noso estado emocional, debemos coidarnos en todos os sentidos; é primordial aprender a xestionar as nosas emocións”.
Finalmente Pilar Barros, Directora de RRHH de “Aguas de Mondariz”, contestounos á pregunta: “existe o currículo perfecto?”
“Debemos destacar aspectos diferentes aos demáis candidatos.
Un curriculo ten 6 partes; unha delas, e moi importante, son as habilidades brandas”.
Por útlimo, Mariña Couñago, inspectora de Educación, José Manuel Alfonso, alcalde de As Neves, e María del Carmen Gil, presidenta da Asociación EFA A Cancela, clausuraron a III edición do Fórum de Emprego.
Grazas a todos os relatores e a todos os alumnos e á Comunidade Educativa, en xeral, que colaboraron dalgún xeito no desenvolvemento deste evento…o próximo ano máis e mellor!
