Realizando libros didácticos cos máis pequenos: Coñecendo e apreciando a nosa contorna natural
O noso alumnado de Enfermería continúa vento en popa co seu Proxecto MenteNatura. Mostra diso é a actividade que o pasado luns día 5 de abril celebrou o equipo de actividades mensuais xunto con varios nenos invitados: unha saída polo Parque Natural Monte Aloia, situado en Tui, na que recolleron follas de cada unha das especies arbóreas que son comúns na zona para despois realizar un libro didáctico no que debían identificar a folla e pegala nunha páxina xunto ao nome correspondente da especie.
