INVESTIGANDO AS TAREFAS E ATRIBUCIÓNS DOS AUXILIARES NAS CLÍNICAS ODONTOLÓXICAS
O noso alumnado de Enfermería realiza as súas estancias nas mellores clínicas da provincia.
Durante a semana do 8 ao 12 de maio, o noso alumnado do CM Coidados Auxiliares de Enfermería cambiou a aula pola empresa nesta terceira estancia do curso realizada no seo do Proxecto Empresa – Aula, visitando nesta ocasión un novo tipo de empresa moi interesante para o futuro profesional do noso alumnado: a clínica odontolóxica.
Así, puxeron en práctica o proxecto de investigación que deseñaron na clase, desenvolvéndoo durante 5 días en cadansúa empresa, observando cirurxías, endodoncias, exodoncias, ortodoncias, exploracións periodontais e multitude de tratamentos e tarefas directamente relacionadas coas súas funcións nas clínicas dentais.
Nesta ocasión, o noso alumnado distribuiuse en multitude de clínicas localizadas en Ponteareas, As Neves, Salvaterra, Salceda de Caselas, Vigo, Mos, Tui, O Rosal e Baiona.
Desde EFA A Cancela agradecemos enormemente a amable colaboración de tantos profesionais e expertos responsables destas clínicas, sen os cales non tería sido posible esta parte imprescindible do noso plan formativo, rasgo distintivo das EFAs, que permite ao noso alumnado o contacto coa empresa previo á FCT, desde o primeiro ano de formación.
