II XORNADA SEMANAGASTROCULTURAL – 2ª PARTE
O IMPACTO DA NUTRICIÓN NO TRABALLO con Quirón Prevención foi o seguinte tema a tratar a cargo de Manuel López.
A prevención de riscos laborais aúna o esforzo de empresarios, traballadores e a sociedade para mellorar a saúde e o benestar das persoas no lugar de traballo.
O lugar de traballo abarca a maioría da poboación adulta que está nunha contorna controlable e que se extrapola posteriormente fora do ámbito laboral (mellora da sociedade en xeral).
Búscase un cambio de hábitos de maneira transversal e integral, implicando a todos os departamentos e con coherencia entre as accións ambientais e educativas.
Un dos aspectos importantes na promoción da saúde é a alimentación. Así o deseño de programas adaptados aos diferentes postos de traballo en función do gasto enerxético, traballo sedentario, as quendas… e a súa influencia noutros factores de risco cardiovascular como a obesidade, a diabetes, o colesterol. Como dato indicar que 1 de cada 11 persoas no mundo padece diabetes. A dieta en moitos casos é determinante.
A saúde individual da persoa pasa a ser o centro, onde pivota toda a estratexia da sociedade. Neste novo modelo de exame da saúde inclúense vectores analíticos, valoración e consellos nutricionais (índice cintura-talla), cálculo do risco cardiovascular (score) e un cuestionario de valoración psicoemocional.
En definitiva, trátase de coidar a alimentación do persoal, adecuala segundo e no posto de traballo o que redundará na mellora da produtividade laboral, a necesaria implicación de todos no valor da saúde e, finalmente, conseguir benestar e unha sociedade sa e feliz.
EMPRENDEMENTO NO CAMPO DA NUTRICIÓN con Dona Eva Seijo Muras, bióloga e apicultora e xerente de Meles JS.
Os inicios remóntanse ao seu avó, continuando posteriormente o seu pai. No ano 2010 profesionalízanse (pasan de 150 a 300 colmeas). Non se necesita un gran investimento, a maior barreira é a formación. Teñen colmeas en Baixo Miño, Porriño, Morrazo, Ribeira Sacra e O Páramo.
Propiedades nutricionais do mel: non soamente serve como endulzante, tamén contén proteínas e vitaminas dos grupos B e C. Ten propiedades calmantes, antisépticas e antioxidantes. Cada unha dos diferentes tipos posúen propiedades máis específicas. A de breixo é a de maior contido en polifenoles e flavonoides. A de silva, capacidade antioxidante e alimento reconstituínte.
En Galicia dispoñemos de dous selos de calidade: mel ecolóxico ( Craega) e IXP Mel de Galicia. Cada un deles marca as características que debe presentar o produto para a súa comercialización.
Outros produtos que tamén obteñen: pole (recomendada para anemias, astenias, regulador intestinal), xelea real (estimula o metabolismo, antibiótica, sistema endocrino), cera e propóleo (propiedades antibacterianas, funxicidas, cicatrizantes).
Dona Ester Ordóñez Dios, veterinaria da Agrupación Apícola de Galicia e representante de BELACOLMEA.
Belacolmea nace da man da Agrupación Apícola de Galicia. Lanzaron unha liña de produtos naturais especialmente formulados para o coidado da pel, que buscan a prevención e solución de todas as alteracións que esta poida sufrir, a través de formulacións naturais específicas. Entre as bondades dos seus bálsamos e cremas destaca que concentran os beneficios terapéuticos dos produtos da colmea, ademais de ser aptos para todo tipo de cute, especialmente para peles sensibles ou con tendencia á deshidratación.
Foi tamén unha forma de complementar as rendas dos apicultores porque o mel non só se come.
En España a apicultura profesional desenvólvese sobre todo no sur. En Galicia é menos profesional pero unha actividade moi arraigada no territorio. Xa no Códice Calixtino se mencionaban as diferentes propiedades do mel