Doazón na escola
Os alumnos do CFGM de Coidados Auxiliares en Enfermería, o 1º curso do CFGS de Administración e Finanzas e o 2º curso do CFGS de Educación Infantil asistiron a unha interesante sesión sobre a Doazón de órganos dentro do programa que leva a cabo a Coordinación Autonómica de Transplantes de Galicia ADOS.
Dentro do marco do modelo educativo actual, a Coordinación Autonómica de Transplantes de Galicia de ADOS, está a deseñar e implementar intervencións educativas dirixidas aos cidadáns máis novos que lles permita, dende o coñecemento preciso que rodea a doazón de órganos, tomar conciencia de esta realidade.
Un dos obxectivos primordiais na concienciación da doazón é o deseño de intervencións educativas dirixidas a mellorar a opinión da doazón e os transplantes entre a mocidade.
A formación dirixida a escolares permite dotar do coñecemento preciso na materia cidadáns que se atopan nunha idade, dende o punto de vista intelectual e social, moi receptiva, que lles permitirá tomar unha decisión propia ao respecto e que serán transmisores informados dos coñecementos adquiridos sobre doazón e transplante no seu ámbito de influencia social, académico e laboral.
Dende a EFA queremos agradecer a Paula Boga coordinadora de transplantes de Galicia e a Carlos Sánchez, voluntario e transplantado, por esta interesante charla outro ano máis.
Grazas!
