Combatendo o deterioro cognitivo dos nosos maiores
Noemí Lago imparte unha interesante sesión sobre actividades e obradoiros para os usuarios dos centros de día e as residencias da terceira idade
O pasado venres, Noemí Lago acudiu á aula do CM CAE para agasallar ao noso alumnado cunha última sesión formativa xusto antes de iniciar o período de estancia nas empresas do primeiro trimestre: centros de día e residencias de maiores de toda a comarca.
Dado o centro de interese escollido para este primeiro trimestre do curso, esta sesión complementou perfectamente os contidos do módulo de Promoción da Saúde sobre deterioro cognitivo, enfermidades orgánicas mentais e trastornos crónicos que tan importantes son para poder axudar mellor ás persoas usuarias destes centros.
Así, Noemí explicou diversas técnicas e actividades que axudan a ralentizar de forma efectiva o deterioro cognitivo: desde actividades de reminiscencia, rehabilitación e xerontoximnasia, pasando por manualidades, talleres de debate e reciclaxe, entre moitos outros, ata o Método Montessori adaptado á demencia e tratamentos individuais de logopedia e psicoloxía. “A prensa utilízase como orientación espacio-temporal, axuda aos usuarios a permanecer ancorados ao momento e lugar” Ademais, Noemí destaca a importancia da musicoterapia “A música é unha ferramenta estupenda: é algo que chega a todas as persoas, independentemente do seu grao de deterioro cognitivo”
Outras actividades que lograron capturar a atención do noso alumnado foron a elaboración de calendarios temáticos, a realización de revistas en residencias de maiores como unha colaboración activa entre os residentes, traballadores e familias e a elaboración de determinadas manualidades “Moitas actividades funcionan ben, pero unha manualidade ten un valor engadido: obtense un produto final que se pode obsequiar ás familias. O residente síntese útil e orgulloso do seu traballo, tan orgulloso como a súa familia“.
Ademáis da labor dos musicoterapeutas, psicólogos e outros expertos, Noemí recordou que os TCAEs tamén teñen unha labor moi importante en todas estas actividades e experiencias: “O traballo dos auxiliares é fundamental. Sodes imprescindibes“.
