Xaneiro 2016, viaxe de estudos a Madrid
A semana comprendida do 11 ao 14 de xaneiro, os alumnos de Xestión Administrativa realizaron a súa viaxe de estudos a Madrid, onde compartiron visitas profesionais, culturais, e lúdicas, nun ambiente de convivencia distendido e moi proveitoso desde todos os ámbitos.
Algunhas das visitas que se realizaron foron :
-Visita ao Congreso dos Deputados, foi unha visita guiada por diferentes salas, concluíndo no Hemiciclo cunha foto de grupo, que queda como testemuño para a posteridade.
-Visita á Fundación de Estudos Financeiros, recibidos polo seu director, que nos dedicou case dúas horas do seu tempo e que dixo cousas moi interesantes, tales como:
- “En 2014, incrementáronse os contratos aos titulados en C.M.de Xestión Administrativa nun 10% “.
- “Somos demandantes de emprego da Unión Europea, e debemos ter as portas abertas á mobilidade laboral”.
- “Gozar co noso traballo e ter unha ética no traballo fai que sexas máis feliz e fagas máis feliz aos que che rodean”
Motivación para ser mellores e para traballar mellor en definitiva
A visita a IBM, no CLIEN CENTER, así mesmo resultou moi proveitosa , tanto pola visión das instalacións magníficas e a explicación da función que cumpren cada unha das salas, como pola MISIÓN que actualmente ten IBM como multinacional e a súa dedicación exclusiva a traballar con empresas como clientes, así como a organización e a RSC que ofrece. Destacar que tamén aquí a atención foi impecable.
A última visita de tipo profesional, foi o departamento de márketing e relacións públicas de Las Rozas Village, onde o encargado deste departamento explicounos como funciona este outlet, que eventos acolle, e que requisitos se lle esixen ás firmas integradas nel.
Complementarias a estas visitas, foron as de tipo cultural, histórico e artístico, por exemplo, ao museo Tissen, ao Museo do Prado, ao Palacio Real, etc. e as visitas pola cidade, o Retiro, Praza Maior, Cibeles,.
En definitiva un ambiente de convivencia e aprendizaxe que volveríamos repetir con moito gusto.