Quen somos

QUEN-SOMOS

QUEN SOMOS

Efa A Cancela é un centro docente de Formación Profesional, Concertado coa Xunta de Galicia. O obxectivo fundamental é contribuír ao desenvolvemento das persoas e do medio rural a través dunha formación integral de calidade, atendendo todas as dimensións da personalidade.

Este proxecto é posible nun marco de colaboración entre a comunidade educativa, as empresas e distintas institucións.

Os principios que seguimos para iso son:

    1. FORMACIÓN PERSONALIZADA:
      Cada alumno conta cun titor persoal que lle acompaña durante a súa formación e axúdalle a alcanzar o máximo desenvolvemento de si mesmo, a través dun proxecto persoal de mellora, así como a definir o seu perfil profesional adaptado aos seus intereses e capacidades.
    2. PROXECTO EMPRESA-AULA:
      Pilar básico das EFAs desde o seu inicio, é un innovador proceso de aprendizaxe activa, no cal o alumno conta con períodos de formación na empresa desde o primeiro trimestre do primeiro curso, ALTERNACIA EDUCATIVA, facilitando a asimilación dos coñecementos teóricos, a motivación polo traballo e a súa posterior inserción laboral.

 

HISTORIA

Efa A Cancela naceu en 1974, baixo o amparo da fundación das EFAs, nun magnífico edificio de 1.912, construído e doado ao pobo pola Excma. Sra. Dona Purificación Fontán de Elduayen, marquesa viúva do Pazo da Mercé, co fin de que a parroquia de Tortoreos, nas Neves, contase a partir dese momento cun centro docente de calidade para os seus habitantes.

As orixes destas iniciativas, as EFAs, remóntanse a San Josemaría Escrivá de Balaguer, quen advertía da necesidade de promover a mellora das condicións de vida e traballo dos habitantes do medio rural baseándose na metodoloxía das Maison Familiares Rurais francesas. Nos anos 60, estas condicións eran moi precarias en España. San Josemaría impulsou a un grupo de profesionais para que puxesen ao alcance das familias rurais un medio eficaz para elevar a súa formación, a súa preparación profesional, o seu benestar e a súa vida espiritual.

Na creación e o desenvolvemento inicial das EFAs participaron Joaquín Herreros y Felipe González de Canales, coa colaboración das propias familias, de técnicos especializados e de empresarios das comarcas en que se foron situando.

A día de hoxe, existen máis de 1.000 EFAs repartidas por todo o mundo.