Acto de clausura do curso 2015-2016 na Efa A Cancela
O pasado venres día 17 de xuño tivo lugar o acto de clausura do curso 2015-2016.
No auditorio Vázquez-Portomeñe de As Neves, realizouse o acto que pecha este curso. Os invitados a presidir este acontecemento foron o alcalde de As Neves, D. Xosé Manuel Rodríguez; Dna. Nava Castro, Directora Xeral de Turismo da Xunta de Galicia; D. Enrique Rodríguez Rendo, Secretario da Federación de EFAs de Galicia; Dna. Mª Carmen Gil, Presidenta da Asociación EFA A Cancela e Mª Antonia Mateos, directora do centro.
No acto puidemos ver un vídeo nos que os alumnos foron os protagonistas, unha memoria de actividades de todo o ano e a ponencia de todos os invitados así como de dous alumnos que se graduaban.
O acto rematou cun aperitivo na escola realizado polos alumnos do Ciclo de Panadería.
En breve, iremos subindo os vídeos do acto.